RƏQQASƏ

Fevral 28, 2008 0:18 Yazar: sabirsarvan

İpək yaylıq tək zərif,

Ağ bir qovaq kimi düz

Barmaqları ucunda

Səhnəyə gəldi o qız.

Bir əli

        qanad kimi

                axıracan gərilmiş,

Qavalı o birində.

Boy uca,

Beli incə,

         hər nizamı yerində.

Bir cüt

         ulduz tək yanan

Gözlərindən bəllidi,

Qız sevir,

Qız dəlidi.

NƏLƏR ÇƏKDİM... | Şərhlər(0) | 75 baxış

SEVGİ

Fevral 28, 2008 0:13 Yazar: sabirsarvan

Ölsəm nəm torpaqdı üzümün üstdə,

Qalsam qoşa şamdı mizimin üstdə,

Özünə yer tapar gözümün üstdə,

Gözəl xanımlarla, gözəl şeirlər.

Ayna pərilərin əlindən düşməz,

Arı çiçəyindən, gülündən düşməz,

Əlim yetməsə də dilimdən düşməz,

Gözəl xanımlarla, gözəl şeirlər.

NƏLƏR ÇƏKDİM... | Şərhlər(0) | 58 baxış

Soyuyur xatirələr

Fevral 20, 2008 0:02 Yazar: sabirsarvan

Soyuyur xatirələr,

Batmaqda olan

                    Günəş kimi,

soyuyur xatirələr,

                          soyuyur.

İsti - isti

       sətəlcəm qızdırması kimi

           yandırırdı məni.

Soyuyur xatirələr,

     soyuyur.

Adiləşirəm,

          hamı kimi oluram

         yavaş - yavaş

         Xatirələr soyuduqca.

         Xatirələr soyuduqca,

         Səni bilmirəm,

         Mən üşüyürəm.

NƏLƏR ÇƏKDİM... | Şərhlər(0) | 68 baxış

Nə istəyir məndən ürək...

Fevral 19, 2008 23:58 Yazar: sabirsarvan

Nə istəyir məndən ürək,

Gülüm, səni, gülüm, səni.

Çağırmaqdan yağır oldu,

Dilim səni, dilim səni.

Daş olub çaylar gəzirəm,

Xış olub laylar gəzirəm,

Quş olub göylər gəzirəm,

Bulum səni, bulum səni.

NƏLƏR ÇƏKDİM... | Şərhlər(0) | 65 baxış